Tuisblad

Goeters2

Ons pad het met Francois en Larissa gekruis terwyl hulle die eienaars van Goeters met Liefde was. So, toe hulle ‘n nuwe tuiste vir Goeters met Liefde soek, het ons dadelik ja gesê!

Ek is net so lief vir Goeters soos wat sy is, omdat ek self baie betrokke is by markte en self baie kreatief is. Ek is ook die trotse eienaar van Tinka’s! Ek het vir Larissa belowe om getrou te wees aan haar visie en dat Goeters met Liefde verder in mense se harte sal inkruip.. Ons bedryf ons besigheid vanaf ‘n plaas in die Swartland en is baie opgewonde oor die vooruitsigte!

- – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – – -

Aan alle Goeters met Liefde kliënte
Dit is mos altyd waar: “daar is ‘n tyd om te kom en ‘n tyd om te gaan…”
Ons lig almal graag in dat ons Goeters met Liefde verkoop het aan Verena en Terence Read van Malmesbury en sal alle bestellings wat geplaas word vanaf 16 April 2016 hanteer word deur die nuwe eienaars. Alle bestellings wat ons ontvang het tot en met 15 April 2016 word steeds met groot ywer en liefde voltooi.

Ons het ongelooflik hard en met baie deursettingsvermoë gewerk om Goeters met Liefde ‘n sterk en gesonde besigheid te maak en oorhandig dit nou met trots en groot vertoue aan Verena en Terrence. Ons werk reeds vir ‘n geruime tyd in noue verband saam met hulle en net ons heel mooiste wense vergesel hulle op hul Goeters met Liefde pad.

Spesiaal dankie aan al die wonderlike eienaars van dekor winkels, vriendelike kliënte en die koerierdienste met wie ons gedeel het. Dit was so belonend om goeie terugvoer te ontvang. Dit was ook ‘n groot voorreg om uitgenooi te word na markte waar ons uitstallings vir ons gevoel het soos fotos in ons kosbare lewensalbum.

Ons sal altyd terug kyk na hierdie tyd in ons lewe en dit onthou as ‘n uiters goeie leerskool. Ons betree nou ‘n nuwe fase in ons lewe en beplan reeds nuwe dinge! Ons is dankbaar vir leiding van Bo!

Baie dankie nogmaals en mag julle en ons paaie hartspaaie bly!
Mooi wense, Liefde Francois & Larissa le Roux